லயன்ஸ் கிளப் சார்பில் இதுவரை ஒரு கோடி பேருக்கு கண் புரை அறுவை சிகிச்சை செய்து பார்வை குறைபாடு நிவர்த்தி செய்திருப்பதாகவும், கண் பார்வை இல்லாத அளவிற்கு இந்த உலகத்தை கொண்டு வருதற்கு முயற்சி செய்து வருகிறோம் எனவும் தூத்துக்குடியில் நடைபெற்ற லயன்ஸ் கிளப் விழாவில் மாவட்ட ஆளுநர் PMJF லயன் வெற்றிச்செல்வன் தெரிவித்தார்.
இந்த ஆண்டு நிறைவுக்குள் 25 கோடி ரூபாய் சேவை செய்ய திட்டமிடப்பட்டுள்ளது என பேட்டியளித்தார்.
லயன்ஸ் இன்டர்நேஷனல் லயன்ஸ் கிளப் ஆப் ஸ்பிக் நகர் மற்றும் லியோ கிளப் ஸ்பிக் நகர் சார்பில் 25 லட்சம் மதிப்பிலான நலத்திட்ட உதவிகளை மாவட்ட ஆளுநர் PMJF லயன் வெற்றிச்செல்வன் வழங்கினார்.
லயன்ஸ் இன்டர்நேஷனல் லயன்ஸ் கிளப் ஆப் ஸ்பிக் நகர் மற்றும் லியோ கிளப் ஸ்பிக் நகர் சார்பில் வருடாந்திர மாவட்ட ஆளுநர்கள் சந்திப்பு தூத்துக்குடி ஸ்பீக் நகரில் உள்ள அதிகாரிகள் அரங்கில் நடைபெற்றது.
இந்நிகழ்ச்சிக்கு வருகை தந்த PMJF லயன் வெற்றிச்செல்வன் மற்றும் கேபினிட் செயலாளர், கேபினிட் பொருளாளர் அகியோரை ஸ்பிக் நகர் லயன்ஸ் கிளப் தலைவர் செந்தில்குமரன் மற்றும் ஸ்பிக். முழு நேர இயக்குனர் செந்தில் நாயகம் ஆகியோர் பூங்கொத்து வழங்கி வரவேற்றனர்.
இதைத் தொடர்ந்து நடைபெற்ற நலத்திட்ட உதவிகள் வழங்கும் நிகழ்ச்சியில், ஏழை எளிய மாணவர்களுக்கு கல்வி உபகரணங்கள் மற்றும் முதியோர் இல்லங்கள், ஆதரவற்றோர் இல்லங்களுக்கு தேவையான உதவிகள் மாற்றுத் திறனாளிகளுக்கு உதவிகள் என ரூ. 25 லட்ச ரூபாய் மதிப்பிலான உபகரணங்கள் மற்றும் நலத்திட்ட உதவிகள் வழங்கப்பட்டது.
இந்நிகழ்ச்சியில் ஸ்பிக் லயன்ஸ் கிளப் மற்றும் ஸ்பிக் லியோ கிளப் அங்கத்தினர்கள் பலர் திரளாக கலந்து கொண்டனர். பின்னர், மாவட்ட ஆளுநர் PMJF லயன் வெற்றிச்செல்வன் செய்தியாளர்களை சந்தித்தார் அப்போது அவர் கூறுகையில், லயன்ஸ் பேரியக்கம் ஆரம்பித்த 110 ஆண்டுகள் ஆகிறது. இது ஒரு பொது சேவை இயக்கம் ஒவ்வொரு கிளப்பிற்கும் ஆண்டுக்கு ஒரு தடவை நேரடி ஆய்வு செய்வதன் அடிப்படையில் இன்றைய தினம் தூத்துக்குடி ஸ்பிக் நகரில் 1974ல் ஆரம்பிக்கப்பட்டு தொடர்ந்து 52 ஆண்டுகளாக இச்சங்கம் செயல்பட்டு வருகிறது.
இன்றைய தினம் இதன் மாவட்ட ஆளுநர் வருடாந்திர ஆய்வு மேற்கொள்ளும் நாள் இன்று காலை முதல் 10 இடங்களில் அன்னதானத்தில் துவங்கி பள்ளிகளுக்கு வகுப்பறை, சமையலறை தண்ணீர் கூடம் கட்டிக் கொடுத்ததோடு மட்டுமின்றி, வகுப்பறை மேஜைகள் உள்ளிட்ட ரூ.25 லட்சம் மதிப்பிலான சேவை திட்டங்கள் செய்து கொடுத்துள்ளார்கள்.
எங்களது நோக்கமே நாங்கள் தொண்டு செய்வோம் என்ற தாரக மந்திரத்தை கொண்டு செயல்பட்டு வருவதாக தெரிவித்தார். தான் பொறுப்பேற்றுக் கொண்ட பிறகு விருதுநகர் மாவட்டம் சிவகாசிக்கு ரூபாய் ஒரு கோடியே 44 லட்சம் ரூபாய் நிதி கிடைத்துள்ளதாகவும், இன்றைய தினம் வரை ஒரு லட்சம் கோடி அளவிலான சேவைகளை எங்களது சங்கம் செய்துள்ளதாக பெருமிதத்துடன் தெரிவித்தார்
குறிப்பாக பள்ளி மட்டுமல்ல, டயலிஸ் சென்டர், கண் மருத்துவமனை மட்டுமின்றி ஒரு கோடி பேருக்கு கண் புரை அறுவை சிகிச்சை செய்து கொடுத்தது லயன்ஸ் பேரியக்கம் என்றார்.
ரோட்டரி கிளப் சார்பில் போலியோ ஒலிக்கப்பட்டதோ அதேபோல லயன்ஸ் கிளப் சார்பில் கண் பார்வை இல்லாத அளவிற்கு இந்த உலகத்தை கொண்டுவருதற்கு முயற்சி செய்து வருகிறோம். குறிப்பாக எந்த பண பலனையும் எதிர்பாராமல் சேவை ஒன்றே என்பதை கருத்தில் கொண்டு இருக்கக்கூடியது தான் எங்கள் இயக்கம் என்றார்.
தற்போது மூன்று மாத தொடக்கத்திலேயே ஒரு கோடி ரூபாய் மதிப்பிலான சேவைகள் செய்துள்ளதாகவும் இந்த ஆண்டு நிறைவுக்குள் 25 கோடி ரூபாய் சேவை செய்ய திட்டமிட்டு இருப்பதாக கூறினார். குறிப்பாக நேபால் வெள்ளப்பெருக்கு ஏற்பட்டபோது இரண்டு லட்சம் டாலர் அளித்தது லயன்ஸ் பேரியக்கம் என்றார் அதேபோன்று வயநாட்டிற்கு முதலாவதாக ஐந்தரை கோடி கொடுத்தது லயன்ஸ் பேரியக்கம் என்றார். அதேபோன்று தூத்துக்குடியில் ஏற்பட்ட வெள்ளப் பாதிப்பிற்கும் 5 லட்சம் கொடுத்தது லயன்ஸ் கிளப் என்றார். தொடர்ந்து 1400 வகையான சேவைகள் செய்துள்ளதாக பெருமிதத்துடன் கூறினார்.
இந்த வருடத்தில் எம்ஜேஎப் என்ற பெயருக்கு பின்னால் போடுவது பட்டம் அல்ல ஒரு லட்சம் டாலரை சர்வீஸ் கொடுப்பதற்கு பின்னால் அந்த பட்டம் இருக்கும். உலகத்திலேயே சரியான அளவில் ஜிஎஸ்டி கட்டி வரி கட்டக்கூடிய இயக்கம் லயன்ஸ் கிளப் என்றார்.
வாசகர் கருத்துக்கள் (0)
கருத்துக்களைப் பதிவிட விரும்புகிறீர்களா?
தயவுசெய்து லாகின் செய்து உங்கள் கருத்துக்களைப் பகிர்ந்து கொள்ளுங்கள்.