கம்பத்தில் ஊழல் மற்றும் லஞ்சத்திற்கு எதிராக தமிழ்நாடு காங்கிரஸ் கமிட்டி சார்பில் கையெழுத்து இயக்கம் நடைபெற்றது. கம்பம் எம்.எல்.ஏ. ஜெகநாத் மிஸ்ரா தொடங்கி வைத்தார்.
தேனி மாவட்டம் கம்பத்தில், ஊழல் மற்றும் லஞ்சத்திற்கு எதிராகத் தமிழ்நாடு காங்கிரஸ் கமிட்டி சார்பில் கையெழுத்து இயக்கம் நடைபெற்றது. இதற்குக் கம்பம் நகரத் தலைவர் போஸ் தலைமை தாங்கினார். மாவட்டத் தலைவர் கோபிநாத் முன்னிலை வகித்தார். சிறப்பு அழைப்பாளராகக் கம்பம் சட்டமன்ற உறுப்பினர் (எம்.எல்.ஏ.) ஜெகநாத் மிஸ்ரா கலந்துகொண்டு, கையெழுத்து இயக்கத்தைத் தொடங்கி வைத்தார்.
இந்நிகழ்ச்சியில் மாவட்ட இளைஞர் காங்கிரஸ் தலைவர் ராஜா முகமது, ம.தி.மு.க. மாவட்டச் செயலாளர் ராமகிருஷ்ணன், மார்க்சிஸ்ட் கம்யூனிஸ்ட் கட்சி நகரச் செயலாளர் லெனின், இந்திய கம்யூனிஸ்ட் கட்சி மாவட்டத் துணைச் செயலாளர் கல்யாணசுந்தரம் மற்றும் காங்கிரஸ் கட்சி நிர்வாகிகள் திரளாகக் கலந்துகொண்டனர். நிகழ்ச்சியின் போது, கையெழுத்து இயக்கத்தில் பங்கேற்ற நிர்வாகிகள் "லஞ்சம் தவிர், நெஞ்சம் நிமிர்" என முழக்கங்களை எழுப்பினர்.
வாசகர் கருத்துக்கள் (0)
கருத்துக்களைப் பதிவிட விரும்புகிறீர்களா?
தயவுசெய்து லாகின் செய்து உங்கள் கருத்துக்களைப் பகிர்ந்து கொள்ளுங்கள்.