கடந்த 80 நாட்களுக்குப் பிறகு நீர்ப்பிடிப்புப் பகுதியில் பெய்த கனமழையால், அருவிக்கு நீர்வரத்து தொடங்கியதால் ஆர்ப்பரித்துக் கொட்டுகிறது கும்பக்கரை அருவி.
தேனி மாவட்டம் பெரியகுளம் அருகே உள்ள கும்பக்கரை அருவிக்கு, கடந்த 80 நாட்களுக்குப் பிறகு மீண்டும் நீர்வரத்து தொடங்கியுள்ளது.
மேற்குத் தொடர்ச்சி மலைப் பகுதிகளான வட்டக்கானல் மற்றும் பாம்பார்புரம் ஆகிய நீர்ப்பிடிப்புப் பகுதிகளில் போதிய மழை இல்லாததால், கடந்த 80 நாட்களாக அருவி முற்றிலும் வறண்டு காணப்பட்டது.
இதன் காரணமாக, சுற்றுலாப் பயணிகளின் பாதுகாப்பைக் கருதி கடந்த ஜூன் 27-ஆம் தேதி முதல் அருவியில் குளிக்க தேவதானப்பட்டி வனத்துறையினர் தடை விதித்திருந்தனர்.
இந்நிலையில், நேற்று மாலை முதல் இரவு வரை அருவியின் நீர்ப்பிடிப்புப் பகுதிகளில் பெய்த கனமழையின் காரணமாக, கும்பக்கரை அருவியில் தண்ணீர் ஆர்ப்பரித்துக் கொட்டி வருகிறது.
நீண்ட இடைவெளிக்குப் பிறகு நீர்வரத்து தொடங்கியுள்ளதால், வனத்துறையினரின் கள ஆய்வுக்குப் பின் விரைவில் சுற்றுலாப் பயணிகள் குளிக்க அனுமதி வழங்கப்படும் என எதிர்பார்க்கப்படுகிறது.
வாசகர் கருத்துக்கள் (0)
கருத்துக்களைப் பதிவிட விரும்புகிறீர்களா?
தயவுசெய்து லாகின் செய்து உங்கள் கருத்துக்களைப் பகிர்ந்து கொள்ளுங்கள்.